Հանդիպման առանցքային թեման երկրում ստեղծված իրավիճակի գնահատումն էր։ Միության անդամները քննարկեցին հեռահաղորդակցության ոլորտի վրա իրավիճակի  ազդեցությունը, հնարավոր վտանգները, և հանդես եկան դրանց կանխարգելմանն ուղղված առաջարկներով։ Միության անդամ ընկերությունները միասնականության պատրաստակամություն հայտնեցին՝  սահմանին և Արցախահայությանը հնարավոր աջակցություն ցուցաբերելու ուղղությամբ։ 

Հանդիպման ընթացքում ներկայացվեցին նաև Միության կողմից իրականացվող ընթացիկ աշխատանքները՝ օրենսդրական և ոլորտի բարելավմանն ուղղված նախաձեռնությունները։

Քննարկվեցին Միության անդամների միջև հնարավոր համագործակցության եզրերը՝ մասնավորապես ենթակառուցվածքների փոխանակման հնարավորությունները։