Հուլիսի 3֊ին Հայաստանի օպերատորների միության, ի դեմս տնօրեն Քրիստինե Գյոնջյանի, և ՀՀ պետական կառավարման ակադեմիայի, ի դեմս ռեկտոր Խաչատուր Ղազեյանի, ստորագրվեց համագործակցության վերաբերյալ հուշագիր, որով կողմերն արտահայտում են իրենց պատրաստակամությունը՝ ընդլայնելու համագործակցությունը երկու կողմերի գործունեությանը և մասնագիտացմանն առնչվող գիտագործնական, ինչպես նաև մասնագիտական և կազմակերպական բնույթի այլ ուղղություններով` իրենց հնարավորությունների, միջոցների և փորձի կիրառմամբ։ Հուշագրի շրջանակներում համագործակցությունը ենթադրում է. 

• Երկկողմանի հետաքրքրություն ներկայացնող ուսումնակրթական բնույթի ծրագրերի իրականացում, 

• Ակադեմիայի ուսանողների կառավարչական և գիտահետազոտական պրակտիկաների կազմակերպմանը աջակցություն,

• Ակադեմիայի ուսանողների և շրջանավարտների զբաղվածությունը խթանող ծրագրերի իրականացում,

• Փոխադարձ հետաքրքրության թեմաներով գիտաժողովների, սեմինարների, խորհրդակցությունների կազմակերպում, գիտական, մասնագիտական գրականության, մեթոդական ձեռնարկների, աշխատությունների, պարբերականների և այլ նյութերի փոխանակում,

• համատեղ աշխատանքային խմբերի ձևավորման և Կողմերի լիազորված աշխատակիցների միջոցով փոխադարձ հետաքրքրություն ներկայացնող հարցերի քննարկում և խնդիրների լուծում, 

• Կողմերի գործունեությանն առնչվող համապատասխան նյութերի հրատարակում,

• համատեղ իրականացվող աշխատանքների արդյունքների, դրանք խոչընդոտող հանգամանքների մասին տեղեկության տրամադրում:

• Գործատու-ուսանող կապի ապահովում, Ակադեմիայի շրջանավարտներին Հայաստանի օպերատորների միության անդամ ընկերություններում աշխատանքի անցնելու հնարավորությունների ընձեռում:

Անշուշտ, հուշագրի ստորագրումը լայն հնարավորությունների խթան կհանդիսանա երկու կողմերի, հատկապես՝ ուսանողների համար։