Ապահով համացանցի միջազգային օրը՝ փետրվարի 7-ին, կայացել է «Երեխաների առցանց անվտանգությունը» թեմայով քննարկում։ Այն նախաձեռնել էր «Հայաստանի օպերատորների միություն» ՀԿ-ն՝ ՀՀ բարձր տեխնոլոգիական արդյունաբերության նախարարության հետ համատեղ։
Ներկայացվել են երեխաների առցանց անվտանգության ապահովմանն ուղղված պետական քաղաքականությունը, ինչպես նաև ՀՕՄ-ի և Հայաստանում գործող միջազգային կազմակերպությունների ծրագրերը։
Նպատակը պետական, մասնավոր ու միջազգային կառույցների ներուժի ճիշտ համադրումը և երեխաների առցանց անվտանգության ապահովման ուղղությամբ՝ հետագա գործողությունների նախանշումն է։
Հանդիպմանն անդրադարձել են կիբերհանցագործությունների հիմնական տեսակներից երխաներին զերծ պահելու միջոցներին ու կարևորել առցանց անվտանգության ուղղությամբ օրենսդրական կարգավորումների անհրաժեշտությունը։
