Հեռուստատեսության և ռադիոյի հանձնաժողովում հունվարի 18-ին տեղի է ունեցել հանդիպում-քննարկում մարզային հեռուստաընկերությունների ղեկավարների հետ։
Հանդիպման նպատակը մարզային հեռուստաընկերությունների խնդիրների բացահայտումը և լուծման մեխանիզմներ մշակելն էր, ինչպես նաև մարզային հեռուստաընկերությունների միջև փոխգործակցությունը խորացնելը։
Հրավիրյալի կարգավիճակով հանդիպանը մասնակցել է նաև Հայաստանի օպերատորների միության տնօրեն Քրիստինե Գյոնջյանը։
Նա իր խոսքում նշել է.«Նման հանդիպում-քննարկումները նպաստավոր են մարզային հեռուստաընկերությունների, ցանցային օպերատորների համագործակցության ընդլայման համար։ Իսկ Հայաստանի օպերատորների միությունը պատրաստ է կապող օղակ հանդիսանալ՝ ի նպաստ ավելի որակյալ բովանդակության տարածման և հասանելիության ապահովման»։
