Ինտերնետ կապն այսօր առաջնահերթությունների շարքում է և ստեղծում է հավասար հնարավորություններ համաչափ համայնքային զարգացման համար:
Հունիսի 6֊7֊ը Երևանում կանցկացվի Կապի եվրոպական գագաթնաժողովը՝ «Ապահովելով հասնելիություն բոլորին. Եվրոպա և տարածաշրջան» խորագրի ներքո։
Գագաթնաժողովի նպատակն է համախմբել մասնագետներին և շահագրգիռ կառույցներին ամբողջ աշխարհում, այդ թվում՝ Հայաստանում՝ գտնելու լուծումներ հեռավոր համայնքներում ինտերնետ հասանելիություն ապահովելու հնարավորությունների ստեղծման համար:
Միջոցառման ընթացքում բանախոսները Հայաստանից և այլ երկրներից (Վրաստան, Ղրղզստան, Հունաստան) հանդես կգան ելույթներով, կլինեն պանելային և կլոր սեղան քննարկումներ ոլորտի ամենաարդիական թեմաների, նորարական ֆինանսական լուծումների, տեխնիկական մարտահրավերների և հնարավորությունների, ինչպես նաև գյուղական բնակավայրերը և համայնքները հզորացնելու հնարավորությունների և ուղիների մասին։ Նախատեսվում է նաև Համայնքային ցանցերի հաղթողների մրցանակաբաշխություն։
Մանրամասները միջոցառման նախնական օրակարգում են:
Կապի եվրոպական գագաթնաժողովին մասնակցելու համար անհրաժեշտ է նախապես գրանցվել:
Այլ մանրամասների վերաբերյալ տեղեկատվությունը պարբերաբար կթարմացվի www.operator.am կայքում և Հայաստանի օպերատորների միության սոցիալական մեդիայի էջերում`
Կապի եվրոպական գագաթնաժողովի համակազմակերպիչներն են Internet Society (Ինտերնետ հասարակություն, ԱՄՆ) կազմակերպությունը և Հայաստանի օպերատորների միությունը։
Միջոցառումն անցկացվում է ՀՀ Բարձր տեխնոլոգիական արդյունաբերության նախարարության աջակցությամբ։
Միջոցառման գործընկերներն են «Արփինետ» ընկերությունը, «Ինտերնետ հանրություն» ՀԿ-ն, «Համայնքային ցանցեր» զարգացման հիմնադրամը, «Ինտերնետ հասարակության Հայաստան հատված» ՀԿ-ն :
Անցկացման վայրը` Արմենիա Մարիոթ հյուրանոց, Արարատ սրահ
