Նորություններ
«Business English for Telecommunications» դասընթաց Հայաստանի օպերատորների միության անդամների համար (15.05.2020)

Սույն թվականի ապրիլ 16-ից մայիսի 9-ը Օպերատորների միությունը Հայաստանում ամերիկյան համալսարանի(AUA) հետ գործակցությամբ կազմակերպեց անվճար օնլայն դասընթաց Հայաստանի օպերատորների միության անդամ ընկերությունների աշխատակիցների համար: 

Օնլայն ինտերակտիվ դասընթացին մասնակցեցին ՎիվաՄՏՍ, Ֆ-նեթ, Ռոստելեկոմ, Արփինետ, Արանեա, Բարգավաճող Ցանցեր, Ինտերնետ կոմունիկացիոն ցանցեր և Դիլարմ ընկերությունների վաճառքի, ՄՌԿ, հատուկ կարևորության հաճախորդների հետ աշխատող 14 աշխատակից և ղեկավար

Արտակարգ դրության պայմաններում իրականացվող դասընթացի նպատակն էր աջակցել անդամ ընկերությունների աշխատակիցների մասնագիտական աճին, զինել նոր լեզվական գիտելիքով և կորոնավիրուսի պատճառով ստեղծված իրավիճակը դարձնել արդյունավետ և օգտակար:

Երեքշաբաթյա ուսուցումը կազմակերպվեց՝ հաշվի առնելով մասնակիցների կարիքները և անգլերենի իմացության մակարդակը։ Անցկացված հարցման արդյունքում պարզվեց նաև դասընթացի ուղղվածությունը՝ խոսակցական և գրավոր (speaking and business writing for telecommunication) անգլերենի բարելավում։ Դասընթացի շնորհիվ մասնակիցները կկարողանան անգլերեն լեզվով շփվել գործընկերների և հաճախորդների հետ, հաճախողորդներին առաջարկվող ապրանքի/ծառայության վերաբերյալ տեղեկատվություն տրամադրել ինչպես նամակով, այնպես էլ դեմ առ դեմ և հեռախոսով, հարցումներին և դժգոհություններին գրագետ պատասխանել, ինչն էլ կնպաստի ընկերությունների ապրանքի/ծառայության մարքեթինգային առաջխաղացմանը:

Դասընթացի մասնակիցները դրական և արդյունավետ են գնահատում առցանց ուսուցումը: Ավարտին բոլորը ստացան մասնակցության վկայական: