«ՄՏՍ Հայաստան» ՓԲԸ (Վիվա-ՄՏՍ)
Վիվա-ՄՏՍ-ը («ՄՏՍ Հայաստան» ՓԲԸ) Հայաստանում հեռահաղորդակցության` ամենաընդարձակ ցանցն ունեցող առաջատար օպերատոր է: Ոլորտի զարգացման համաշխարհային միտումներին ու բաժանորդների աճող կարիքներին համընթաց՝ Վիվա-ՄՏՍ-ն այժմ գտնվում է թվային փոխակերպման փուլում. ընկերությունն անցում է կատարում հեռահաղորդակցության օպերատորից դեպի համալիր ծառայություններ տրամադրող թվային ընկերություն: Այն առաջարկում է թե՛ ձայնային ու տվյալների փոխանցման ծառայությունների բազմազան տեսականի, և թե՛ բջջային հեռուստատեսություն, խաղային, զվարճալիքային, ուսուցողական հավելվածներ, էլեկտրոնային դրամապանակ, ամպային ծառայություններ, օգտակար լուծումներ բիզնեսի ու ֆինանսների արդյունավետ կառավարման համար և այլ ծառայություններ: Վիվա-ՄՏՍ-ը նաև առաջարկում է IP-հեռախոսակապի ու ֆիքսված ինտերնետի ծառայություններ՝ գործարար հատվածի համար:
Վիվա-ՄՏՍ-ը Ռուսաստանում և ԱՊՀ երկրներում հեռահաղորդակցության խոշորագույն օպերատոր «Մոբիլնիյե Տելեսիստեմի» ՀԲԸ դուստր ընկերություն է:
«ՋիԷնՍի-ԱԼՖԱ» ՓԲԸ (Ռոստելեկոմ)
«Ռոստելեկոմ» Հայաստանը («ՋԻԷՆՍԻ-ԱԼՖԱ» ՓԲԸ, ապրանքանիշ՝ «Ռոստելեկոմ», «Ռոստելեկոմ» ԲԲԸ դուստր ձեռնարկություն), հանդիսանալով ՀՀ հեռահաղորդակցության ոլորտի առաջատար օպերատորներից մեկը, 2012թ․ դեկտեմբերի 18-ից մատուցում է Լայնաշերտ Ինտերնետի, Սմարթ IP հեռուստատեսության և որակյալ Ֆիքսված հեռախոսակապի ծառայություններ ֆիզիկական անձանց և կորպորատիվ հաճախորդների համար։
Ընկերության մուտքը հայաստանյան հեռահաղորդակցության ոլորտ հատկանշական էր ցանցի զարգացման ուղղությամբ խոշոր ներդրումներով, ինչի արդյունքում հաջողությամբ գործարկվեց «օպտիկան յուրաքանչյուր բնակարանում» (GPON) տեխնոլոգիան հայաստանյան մի շարք քաղաքներում։
«Ռոստելեկոմի» ցանցը Հայաստանում կառուցված է օպտիկա-մանրաթելային մալուխով, որի երկարությունը կազմում է ավելի քան 3000 կմ` ծածկելով ՀՀ տարածքի 80%-ը:
Իրանի և Վրաստանի օպերատորների միջոցով «Ռոստելեկոմի» ցանցը փոխկապակցված է տարածաշրջանի հիմնական մայրուղային ցանցերի և տրաֆիկի փոխանակման խոշորագույն կենտրոնների հետ:
«Ռոստելեկոմ»-ի օպտիկամանրաթելային մալուխը և նրա միջոցով մատուցվող որակյալ և նորարական ծառայությունները հասանելի դարձան Երևան, Աբովյան, Չարենցավան, Հրազդան, Վանաձոր, Գյումրի, Աշտարակ, Մեծամոր, Արմավիր, Մասիս, Արարատ, Արտաշատ, Սևան, Դիլիջան, Իջևան, Կապան, Մարտունի, Ալավերդի և Քաջարան քաղաքների բնակիչների համար։
«Ռոստելեկոմ»-ի կորպորատիվ հաճախորդների թվում են բազմաթիվ խոշոր ձեռնարկություններ, այդ թվում բանկեր և այլ ֆինանսական կառույցներ, ՀՀ կառավարությունը, հեռահաղորդակցության ընկերություններ և միջազգային խոշոր կազմակերպություններ։
«Արփինետ» ՍՊԸ
2011 թվականին կատարվեց ցանցի ենթակառուցվածքի գրեթե ամբողջական վերազինում նոր տեխնոլոգիաներով, որի արդյունքում ընկերությունը հնարավորություն ունեցավ ծառայություններ մատուցել ամբողջ Արմավիրի մարզում: 2011 թվականին բացվել են նաև ընկերության մասնաճյուղեր Մեծամոր և Արմավիր քաղաքներում, երկու տարի անց՝ 2013 թվականին, բացվել են ևս 3 մասնաճյուղ Լուսագյուղ, Փարաքար և Մուսալեռ գյուղերում: 2014թ-ին «Արփինետ» ընկերությունը, ընդլայնելով իր ծառայությունների մատուցման հասանելիությունը, բացեց սպասարկման նոր սրահ Արագածոտնի մարզի Թալին քաղաքում:
Այսօր «Արփինետ»-ն ունի գրեթե 100% ինտերնետային հասանելիության ծածկույթ ամբողջ մարզի տարածքում: Ցանցը, գրեթե ամբողջությամբ, կառուցված է օպտիկամանրաթելային մալուխից, որն ապահովում է ինֆորմացիայի զրոյական կորուստ: Ընկերության առաջիկա նպատակներից մեկն է՝ մարզի բոլոր գյուղերի և յուրաքանչյուր բնակավայրի մինչև 1 ԳԲ/Վ թողունակությամբ ինտերնետի հասանելիության ապահովումը: «Արփինետ» ընկերությունը համագործակցում է «Հայ Միասնության Խաչ», «Մաչանենց Տուրիզմ և Արտ», «Մաչանենց» թատրոն, «Արանեա», «Հայկական Ինտերնետ Տրաֆիկի Փոխանակման ԱՐՄԻՔՍ Հիմնադրամ», «TelCell», «ADC - Արմենիան Դեյթաքոմ Քամփնի», «ՋԻԷՆՍԻ-ԱԼՖԱ», «Հայաստանի Մալուխային Հեռուստահեռարձակողների Ասոցացիա», «D-Link», «ООО Сетевые Решения», ուկրաինական «INFOMIR» և «USER SIDE» ընկերությունների հետ:
«Արփինետ» ընկերությունը չինական BDCOM և բելառուսական «Белкабель» ընկերությունների պաշտոնական ներկայացուցիչն է Անդրկովկասում, որոնց իննովացիոն սարքավորումների միջոցով էլ կառուցվում է ցանցը և կատարվում են միացումները:
«Էֆ նետ» ՍՊԸ
Fnet ընկերությունը հանդիսանում է մալուխային հեռուստատեսության և ինտերնետի առաջատար մատակարարներից մեկը Հայաստանում։ Կազմակերպությունը իր գործունեությունը սկսել է 2009 թվականից՝ մատակարարելով միայն մալուխային հեռուստատեսություն։ Տարեցտարի ընդլայնելով ծառայությունների և գործունեության շրջանակը այժմ արդեն Fnet-ը բազմաֆունկցիոնալ ծառայություններ է մատուցում հեռահաղորդակցության ոլորտում ոչ միայն Երևանում, այլ նաև Կոտայքի, Արարատի և Գեղարքունիքի մարզերում։ Fnet-ը այժմ մեծածավալ ներդրումներ է իրականացնում հեռահաղորդակցության ոլորտում և մատակարարում հեռուստատեսության ծառայություն (նաև catch up գործառույթ) և գերարագ ինտերնետ` օպտիկամանրաթելային ցանցի միջոցով:
«Հիբրիդ Սոլյուշընս» ՍՊԸ
«Ինտերնետ Կոմունիկացիոն ցանցեր» ՍՊԸ
Ընկերության առաքելությունն է՝
Բնակչության համար ապահովել որակյալ, կայուն ինտերնետային և հեռուստատեսային ծառայություններ։
Գործունեությունն իրականացնում է Գեղարքունիքի մարզում և Երևան քաղաքում։
GPON տեխնոլոգիայով իրականացնում է ինտերնետ կապի և թվային հեռուստատեսության բարձրորակ ծառայություններ։
Օգտագործում է աշխարհում կիրառվող նոր սերնդի գերժամանակակից տեխնոլոգիաներ (ONT և OLT)։
«Արմքոմ» ՍՊԸ
«Արմքոմ» ինտերնետ կապ մատակարարը արդեն երկու տարի գործում է Կոտայքի մարզում: Ընկերության ծառայությունները ամփոփված են հատուկ փաթեթների մեջ՝ որոնք կարող են լինել և ստանդարտ (նախապես ֆիքսված) և անհատական (բաժանորդի կարիքներին համապատասխան ձևավորված փաթեթ):
Արմքոմ ՍՊ ընկերության կողմից ծառայության որակյալ մատուցման նպատակով՝ գործածվում են օպտիկական մալուխներ: Օպտիկական մալուխները լայնորեն կիրառվում են օպտիկամանրաթելային հաղորդակցության մեջ, որտեղ դրանք իրականացնում են տվյալների փոխանցում ավելի բարձր արագությունով և ավելի մեծ հեռավորությունների վրա, քան սովորական մալուխները։ Մանրաթելերը մետաղական մալուխների փոխարեն են օգտագործվում, որովհետև ազդանշաններն անցնում են ավելի քիչ կորուստներով, ինչպես նաև դիմացկուն են էլեկտրամագնիսական դաշտի տատանումների նկատմամբ։
Սարքավորումները՝ որոնք ծառայության ակտիվացման օրը տրամադրվում են բաժանորդներին՝ ունեն Wi-Fi հնարավորություն: Ընկերությունը յուրաքանչյուր փաթեթի շրջանակներում՝ իրականացնում է անվճար Wi-Fi միացում:
«Նիկիտա Մոբայլ» ՍՊԸ
Ընկերության գործունեությունը ներառում է, բայց չի սահմանափակվում հետևյալով՝
• բջջային բանկային ծառայություններ,
• բջջային վճարումներ,
• մարքեթինգային և ավտոմատացված (տրանզակցիոն) sms առաքում,
• ձայնային և կարճ համարների միջոցով տեղեկատվական և զվարճալի ծառայությունների տրամադրում,
• կարճ համարների միջոցով բարեգործական դրամահավաքների կազմակերպում,
• զանգերի կենտրոնի ծառայություն,
• 0909 շուրջօրյա տեղեկատուի ծառայություն և այլն:
2009թ.-ից «Նիկիտա Մոբայլ» ընկերությունը ներգրավված է բազմաթիվ բարեգործական ծրագրերում: Համագործակցություն է իրականացվել տարբեր բարեգործական հիմնադրամների հետ, ինչպես նաև կազմակերպվել են դրամահավաքներ անհատների համար:
«Նիկիտա Մոբայլ» ընկերությանն է պատկանում Հայաստանում ամենախոշոր զանգերի կենտրոնը, որը գործում է 24/7 հիմունքներով: Նորագույն սարքավորումներով ու փորձառու աշխատակիցներով համալրված զանգերի կենտրոնը ծառայում է ոչ միայն բաժանորդներին, այլև լուծում է ցանկացած տեխնիկական խնդիր՝ կապված ընկերության գործընկերների հետ:
Համագործակցելով բոլոր բջջային օպերատորների հետ՝ մենք ապահովում ենք հայկական շուկայի լիարժեք ծածկույթ: Ամեն տարի ընկերության բիզնես պորտֆելը հարստանում է նորարարական ծառայություններով, որոնք անմիջապես ձեռք են բերում լայն տարածում ինչպես մեր երկրում, այնպես էլ մեր երկրի սահմաներից դուրս:
Ընկերությունը երկար տարիներ հաջողությամբ համագործակցում է նաև միջազգային բջջային շուկայի առաջատարների հետ:
«ՀիպերՍպեյս» ՍՊԸ
«ՀիպերՍպեյս» ՍՊԸ-ն Հայաստանի ՏՏ ոլորտի առաջատար կազմակերպություններից է։ Ընկերությունը մատուցում է սերվերների տեղակայման, հավելվածների մշակման և այլ ծառայություններ։ Նորագույն տեխնիկական հագեցվածությունը, ինովատիվ տեխնոլոգիական լուծումները, թիմի պրոֆեսիոնալիզմն ու ՏՏ ոլորտում կուտակած բազմամյա փորձը, շուրջօրյա բարձրորակ սպասարկումն ու մի շարք այլ արժեքների որդեգրումը կոչված են բավարարելու նույնիսկ ամենաբծախնդիր հաճախորդի պահանջները։
Կազմակերպության առաքելությունն է տեղեկատվական տեխնոլոգիաների ոլորտում շահագրգիռ կողմերի համար ստեղծել երկխոսության հարթակ, ինչպես նաև ՏՏ ոլորտի անսահման հնարավորությունները դարձնել առավել հասանելի ու մատչելի ՓՄՁ-ների զարգացման գործընթացում։
«Ինտերնետ Հանրություն» ՀԿ
